Si Ogie Diaz, talent manager at content creator, ay hindi galit kay Bea Alonzo kahit idemanda siya ng cyber libel nito.
Sinabi ni Papa O na nauunawaan niya ang desisyon ni Bea na magsampa ng kaso, na nagsimula sa mga pahayag ng aktres tungkol sa kanyang personal na buhay.
Kasama sa mga sinampahan ni Bea ng cyber libel ang mga co-host ni Ogie sa kanilang online show na sina Mama Loi at Dyosa Pockoh.
Sa kanyang YouTube channel, ipinaliwanag ni Ogie ang kanyang panig tungkol kay Bea. Iginiit niya na hindi siya galit sa aktres at wala sa isip niya ang magtanim ng sama ng loob.
Sabi niya, may karapatan ang bawat isa na magdemanda. “Hindi pa po namin nakukuha yung kopya ng demanda. Pero hihintayin namin at ipagtatanggol namin ang aming sarili,” aniya.
“Hindi ako galit kay Bea Alonzo. Naniniwala ako sa karapatan niya. Kung feeling niya nasaktan namin siya, karapatan niya ‘yon,” dagdag pa niya.
Sabi ni Ogie, sanay na siya sa mga kasong libel. “Kahit ako reporter noong araw, nakakatikim pa rin ako ng mga reklamo, demanda, yang libel, pero napagtatagumpayan naman natin,” pahayag niya.
Mahalaga raw na kilalanin ang kanilang trabaho at hindi nila ipagyabang ang kanilang mga nagawa para sa mga artista.