Bilang pasimuno ng pole vault sa Pilipinas, pinangunahan ni EJ Obiena kasama si Gov. Matthew Manotoc ang pagbubukas ng kauna-unahang pole vaulting facility sa Ilocos Norte sa FEM Memorial Stadium noong Nobyembre 22.
Layunin nitong hubugin ang talento ng mga kabataang atleta at gawing global powerhouse ang Pilipinas sa larangan ng pole vault.
Ayon kay Obiena, “Ito ang simula ng pangarap ko—magkaroon tayo ng world-class na mga atleta mula sa Ilocos at buong bansa. Hindi lang para sa lokal na kompetisyon, kundi para sa pandaigdigang tagumpay.”
Ranked #3 sa mundo, nananatiling dedikado si Obiena sa paglago ng isport at inspirasyon sa mga kabataan. “Markahan n’yo ang sinabi ko, aalagaan natin ang pole vault sa Pilipinas,” aniya.