Bumalik ang K-pop girl group na NewJeans sa Manila para sa “Ultimate Fandom” concert noong Huwebes, Setyembre 5, at pinasiklab ang MOA Arena stage kasama ang ilang top Filipino music artists mula sa iba’t ibang genre.
Ang limang-member na grupo, na kilala sa kanilang Y2K aesthetic at nostalgic sound, ay nagpasaya sa mga fans sa pamamagitan ng high-energy performances ng kanilang mga hit songs tulad ng “ETA,” “How Sweet,” “Supernatural,” “Bubblegum,” at “Zero.”
Binubuo ng Hanni, Minji, Haerin, Hyein, at Danielle, naging global ambassadors ang NewJeans para sa Coca-Cola noong 2023, at naglabas ng kanilang commercial song na “Zero” kasama ang Coke Studio sa parehong taon.
Sinalubong ng mainit na suporta mula sa kanilang mga fans ang pagbabalik ng grupo sa Manila, at masayang-masaya sila sa pagtanggap ng mga Pilipino.
“Ang saya niyong kumanta, kahit first time pa lang namin na mag-perform ng mga bagong kanta namin dito sa Pilipinas. Sobrang nakakataba ng puso,” sabi ni Hyein, ang bunso ng grupo, sa kanilang mga tagahanga.
Binuksan ng P-pop boy group na Alamat ang concert sa pamamagitan ng kanilang mga makulay na Filipino tracks tulad ng “Maharani,” “Day and Night,” “Noli,” at “Dayang.”
Sunod na sumampa sa stage ang rapper na si Nik Makino, na nagpasigla sa crowd sa kanyang energizing set, kasama ang “Sipag Lang” kasama si Shao Lin, pati na rin ang “KG,” “Moon,” “Sobrang Solid,” at “We Made It.”
Pinakilig naman ni Kyle Echarri ang mga manonood sa kanyang mga hit songs gaya ng “Dyosa,” “Cupid’s Aim,” “Panaginip,” at “Pangako.” Samantala, ipinamalas ni Illest Morena ang kanyang galing sa hip-hop sa mga kantang “Pick Up,” “Slow Burn,” “Sabik,” at “Faded.”
Nagsara ng concert si Zack Tabudlo, ang tinaguriang “hugot king” at unang Filipino Coke Studio global artist, sa pamamagitan ng kanyang mga hit songs na “Nangangamba,” “Pano,” “Fallin,” at “Give Me Your Forever.”