Iyan ang buong pusong pahayag ni Elsie, ina ni Maria Ahtisa Manalo—ang bagong Miss Universe Philippines 2025. Sa panayam pagkatapos ng koronasyon sa SM MOA Arena, binalikan ni Elsie ang hirap at tagumpay ng anak: mula sa unang pageant sa Grade 5, hanggang sa wakas ay naabot ang pinapangarap na korona.
“Matagal na niya ‘tong pangarap. Hindi kami mayaman, pero ginawa niya ‘to para sa sarili niya at sa pamilya,” sabi ni Elsie.
Matapos ang pagkatalo noong 2024, muntik nang hindi sumali si Ahtisa sa 2025 edition. Pero tatlong araw bago ang kontrata, bigla siyang nagtanong: “Ma, sasali ba ako?” Sagot ni Elsie: “Kung kaya mo, go!”
Hindi rin naging madali ang gabi ng coronation. Nadapa si Ahtisa sa evening gown portion, pero walang takot itong bumangon. “Sanay na siyang madapa. Pero mas sanay siyang tumayo,” wika ni Elsie.
Ahtisa, tubong Candelaria, Quezon, ay pinalaki ng kanyang lola na pumanaw kamakailan. Ngayon, hawak na niya ang korona—at hawak rin niya ang puso ng bayan.