Good news para sa mga motorista! Ngayon, puwede nang maghain ng apela ang mga nahuling may traffic violation tickets sa Metropolitan Manila Development Authority (MMDA) nang hindi na kailangang pumunta sa kanilang opisina.
Nitong weekend, inihayag ng MMDA ang bagong online system na may kasamang QR code at link sa kanilang official social media accounts. Sa pamamagitan nito, puwedeng mag-fill out ng form at mag-upload ng kopya ng traffic violation ticket nang direkta mula sa kanilang mga device.
Layunin ng hakbang na ito na mapabilis ang proseso ng apela, para hindi na kailangang maghintay sa mahahabang pila sa opisina ng MMDA.
Ayon sa MMDA, 62 complaints ang kanilang naresolba noong 2024. Puwede mag-submit ng appeal mula Lunes hanggang Biyernes, mula 8 a.m. hanggang 5 p.m.
Inaanyayahan ng MMDA ang mga motorista na samantalahin ang online platform para sa mas mabilis at maginhawang proseso ng pag-aayos ng kanilang mga reklamo.