Ang mga pamilya ng limang Thai farm workers na inhold hostage sa Gaza ng mahigit isang taon ay puno ng kasiyahan at emosyon nang magka-reunite sila noong Linggo sa Suvarnabhumi Airport sa Bangkok.
Si Watchara Sriaoun, Pongsak Tanna, Sathian Suwannakham, Surasak Lamnau, at Bannawat Saethao ay nakarating sa Bangkok bandang alas-7:30 ng umaga (0030 GMT) noong Linggo, matapos silang palayain noong Enero 30 bilang bahagi ng isang ceasefire deal na layuning tapusin ang digmaan sa Gaza.
Bago pa man makapasok sa arrivals hall, ang mga bihag ay nagsimulang mag-smile at magyakap sa kanilang mga pamilya na abot langit ang kaligayahan sa kanilang pagbabalik.
Si Somboon Saethao, ama ni Bannawat, ay hindi mapigilang magpasalamat at magdiwang, sabay sabing “sobrang saya ko” at plano nilang magdaos ng tradisyunal na seremonya ng Thai para sa kanyang anak.
“Hindi ko na siguro siya pababalikin sa malayo,” wika ni Somboon, na nagkuwento na nagtungo sa Israel ang kanyang anak siyam na buwan bago ito dinukot upang maghanap ng mas magandang kabuhayan para sa kanilang pamilya.
Noong Oktubre 7, 2023, nang salakayin ng Hamas ang Israel, 31 Thai nationals ang dinukot, kung saan 23 ang nakalaya bago magtapos ang taon at dalawa ang nasawi noong Mayo. Isang Thai national naman ang pinaniniwalaang buhay pa sa Gaza.
Ang pagtanggap sa limang hostages noong nakaraang buwan sa Khan Yunis sa katimugang Gaza ay tinampukan ng kaguluhan, kung saan nagkaroon ng agawan ang mga fighters ng Islamic Jihad at Hamas upang mapanatili ang kaayusan habang isinasagawa ang turnover.