Umaasa si Inter Miami coach Javier Mascherano na magagamit ni Lionel Messi ang hindi magandang alaala sa Paris Saint-Germain (PSG) bilang motivation sa kanilang salpukan ngayong Linggo (Lunes sa Manila) sa Club World Cup.
Bagama’t underdog ang Miami, nakalusot sila sa Group A matapos talunin ang Porto at maka-draw sa Palmeiras at Al Ahly. Ngayon, haharap sila sa matinding hamon — ang kampeon ng Europe, PSG.
Ayon kay Mascherano,
“Mas okay para sa amin kung may galit si Messi. Mas ganado siya kapag may pinaghuhugutan.”
Bagamat hindi ito sa Europa kundi sa Atlanta, naniniwala pa rin si Coach na espesyal pa rin ang laban, kahit nabago na ang PSG sa ilalim ni Luis Enrique, dati rin nilang coach sa Barcelona.
Si Messi ay bukas na inaming hindi naging masaya sa PSG, kung saan nahirapan siyang mag-adjust sa training at games.
Kasama ni Messi sa Miami sina Luis Suarez, Sergio Busquets, Jordi Alba, at si Mascherano mismo — lahat ay naging bahagi ng legendary treble-winning Barcelona team ni Luis Enrique noong 2015.
Iba’t ibang papuri ang ibinato kay Enrique:
- Jordi Alba: “Para sa akin, siya ang best — hindi lang bilang coach kundi bilang tao.”
- Luis Suarez: “Isa siya sa pinaka-importanteng coach sa career ko. Tinuruan niya akong maging mas competitive.”
Kahit close friends sina Mascherano at Enrique, aminado si Coach Javi na:
“Magandang pagkakataon ito, kahit feeling ko ‘di pa ako deserving bilang coach. Pero sa laban na ’to, sana kami ang palarin.”