Wala daw “birth certificate, marriage, o death record” si Mary Grace Piattos, ayon sa Philippine Statistics Authority (PSA). Ito ay inilabas sa isang dokumento ng PSA na ipinasa sa House committee na nag-iimbestiga sa posibleng maling paggamit ng confidential funds mula sa Office of the Vice President (OVP).
Sinabi ni PSA National Statistician Dennis Mapa na walang makitang rekord si Piattos sa kanilang sistema, ngunit maaari pa raw itong mag-search kung may dagdag na impormasyon tulad ng pangalan ng magulang o detalye ng mga vital events.
Si Piattos ay isang recipient ng P500 milyong confidential funds ng OVP, kasama na ang P112.5 milyon na naibigay sa Department of Education noong Vice President pa si Sara Duterte ang kalihim.
Samantala, ang isyu ng “Mary Grace” restaurant at Piattos potato chips ay naging usap-usapan, matapos makitang may kaugnayan ang mga receipt sa mga pondo na pinaniniwalaang ginugol para sa “purchase of information.”
Patuloy ang imbestigasyon, at nag-alok pa ng P1 milyon ang ilang lawmaker para sa anumang impormasyon ukol kay Mary Grace Piattos.