Tila may laban na agad kahit hindi pa eleksyon! Mahigit 2 milyong Canadians ang bumoto na sa unang araw pa lang ng early voting nitong Biyernes—36% mas mataas kaysa noong 2021, ayon sa Elections Canada.
Sa gitna ng tensyon sa pagitan ng Canada at U.S., dagsa ang mga tao sa mga presinto, may ilan pang naghintay ng hanggang dalawang oras para lang makaboto.
Ayon sa ilang botante, hindi ito ordinaryong eleksyon. Sabi ni Josee Fournier, isang HR worker sa Montreal, “Special ang halalan na ’to dahil sa nangyayari sa U.S.”
Hindi naman ikinaila ni Raphael Collomb, 35, na sineryoso niya ang panonood ng mga plataporma ng kandidato para makapili ng tama. “Gusto ko ng mas maayos na ekonomiya at tahimik na pamumuhay,” aniya.
Ang dahilan ng pagka-alerto? Si Donald Trump. Mula nang bumalik sa puwesto nitong Enero, nagbanta ito ng tariffs at pagbabanta sa soberanya ng Canada, kaya ang tanong ng karamihan: Sino ang kayang lumaban pabalik?
Sa latest survey:
- Liberals ni Mark Carney – 44%
- Conservatives ni Pierre Poilievre – 38%
- New Democratic Party – 8%
- Bloc Quebecois – 5%
Bukas, Lunes, ang huling araw ng early voting. Ang eleksyon ay sa Abril 28.
Mainit ang laban, maaga pa lang, handa na ang mga Canadians bumoto para sa kinabukasan nila — at laban kay Trump.