Matapos ang mahigit 20 taon, balik-Pilipinas na ang Norwegian pop duo na M2M! Sina Marion Raven at Marit Larsen, ang boses sa likod ng hit songs na Pretty Boy, The Day You Went Away, at Don’t Say You Love Me, ay excited na makasama muli ang kanilang Pinoy fans sa isang espesyal na reunion concert.
Nagbigay-hudyat ang kanilang Instagram post noong Setyembre 22, 2023, kung saan nirelease nila ang acoustic version ng The Day You Went Away na may caption na: “Let’s give this story a better ending.” Para kay Marion, ito ang tamang panahon para bumalik sa eksena at sa mga tagahanga na hindi nila nasabing “goodbye” noon.
Hindi matatawaran ang suporta ng Pinoy fans—sold out agad ang kanilang dalawang-night show sa Araneta Coliseum sa May 1 at 2! Bukod dito, dadalhin rin nila ang M2M: The Better Endings Tour 2025 sa Cebu (Waterfront Hotel) sa May 3 at Davao (SMX Convention Center) sa May 4.