Nagpataw ng multa ang Land Transportation Office (LTO) sa mga may-ari ng 13,052 unregistered vehicles noong Hulyo lamang.
Na-issuean ng traffic violation tickets ang 11,521 na sasakyan, habang 1,531 sasakyan ang naimpound at ang kanilang mga may-ari ay pinababatid na. Ang motorista na gumagamit ng unregistered na sasakyan ay maaaring pagmultahin ng P10,000.
Ayon kay LTO chief Vigor Mendoza, ipagpapatuloy nila ang mahigpit na pagpapatupad ng “no registration, no travel” policy para sa kaligtasan ng mga gumagamit ng kalsada.
“Gusto kong ipaalala sa ating mga motorista na ang pagmamay-ari ng sasakyan ay may kasamang obligasyon na magparehistro at i-renew ang registration,” sabi ni Mendoza.
Binanggit din ni Mendoza na ang pagpaparehistro ng sasakyan ay nagsisiguro ng roadworthiness ng mga unit, na mahalaga lalo na para sa pampasaherong transportasyon.
Sa buwan ng Hulyo, kabilang sa mga nahuling sasakyan ang 1,478 pribadong vans at 23 vans na ginagamit para sa pampasaherong transportasyon. Nakuha rin ang 355 trucks at 95 sport utility vehicles, pati na rin ang 69 public utility jeepneys at walong buses.
Ang LTO-Calabarzon ang may pinakamaraming na-impound na unregistered vehicles na umaabot sa 5,204 apprehensions at 403 impounded vehicles.
Samantala, 223 sasakyan ang nahuli sa anti-colorum operations noong Hulyo.