Nilinaw ng Land Transportation Franchising and Regulatory Board (LTFRB) na bawal ang pagsingil ng doble sa mga plus-size na pasahero sa mga pampublikong sasakyan. Ayon kay LTFRB Chairman Teofilo Guadiz III, isang tao lang ang saklaw ng isang pamasahe—anuman ang laki ng pasahero.
May mga reklamo na tumatanggap sila ng sobra sa tamang pasahe, kaya tinawag ni Guadiz itong “labag sa batas, diskriminasyon, at hindi makatarungan.” Aniya pa, ang ganitong gawain ay paglabag din sa karapatang pantao.
Kapag nahuli ang mga tsuper na gumagawa nito, maaari silang pagmultahin, suspendihin, o tuluyang tanggalin ang prangkisa nila.
Para sa mga pasaherong nakaranas ng overcharging o diskriminasyon, maari itong i-report sa LTFRB hotline 1342, sa kanilang official social media pages, o sa email complaints@ltfrb.gov.ph.
Sa madaling salita, may karapatan ang bawat pasahero—hindi kailangan magbayad ng sobra dahil lang sa sukat.