Magandang balita para sa mga pasahero! Plano ng Land Transportation Franchising and Regulatory Board (LTFRB) na bawasan ang surge fee ng mga ride-hailing services ngayong holiday season. Ayon kay LTFRB Chairman Teofilo Guadiz, iniisip nilang ibaba ito ng hanggang 50%.
Ang surge fee, na kadalasang doble ng paunang pamasahe, ay natanggap ng mga reklamo mula sa mga pasahero dahil sa sobrang taas nito. Ayon sa LTFRB, ang algorithm ng mga transport network companies (TNCs) ay sobra ang presyo, kaya’t papaliitin nila ito.
Bukod dito, may plano rin silang ibaba ang flagdown rate mula P80 pababa sa P65. Bahagi ng hakbang na ito ang pagdaragdag ng 5,000 TNVS units ngayong Pasko upang matugunan ang mataas na demand!