Kung aprubado, P60 na ang magiging pamasahe mula Roosevelt, Quezon City, hanggang Parañaque sa LRT-1! Ang Light Rail Manila Corp. (LRMC), operator ng LRT-1, ay nag-file ng petisyon sa Department of Transportation (DOTr) para taasan ang boarding at distance fares ng LRT-1.
Ayon kay LRMC spokesperson Jacqueline Gorospe, nais nilang itaas ang boarding fare sa P18.15 at ang distance fare sa P1.65 kada kilometro para mapondohan ang mga periodic increase sa 2024.
Base sa kanilang kasunduan sa gobyerno, may karapatan ang LRMC na magtaas ng pamasahe tuwing dalawang taon. Huling tumaas ang pamasahe noong 2023, at mula noon ay nagpatuloy ang mga upgrade, kabilang na ang pagbubukas ng limang bagong istasyon.
Kung ma-aprubahan ang hiling na taasan, ang mga pasaherong may mid-distance travel (5-16 kilometers) ay magbabayad ng karagdagang P6.02, habang ang mga maikling biyahe (mas mababa sa 5 kilometers) ay tataas ng P8.65 at ang mga mahahabang biyahe (higit sa 16 kilometers) ay tatas ng P12.50.
Sa bagong matrix, ang pamasahe mula Roosevelt hanggang Parañaque ay tumaas ng P15, mula P45 magiging P60! Ang mga militanteng grupo gaya ng Bayan ay tutol dito, dahil para kay Renato Reyes Jr., isang dagdag na P10 bawat sakay ay magdudulot ng dagdag P20 sa araw-araw na gastos sa transportasyon.
“Magiging dagdag pasanin ito para sa mga mahihirap na manggagawa,” sabi ni Reyes.
Samantalang ilang beses na tinanggihan ng DOTr ang mga petisyon ng LRMC noong 2016, 2018, at 2020, ngayon ay magsasagawa ang DOTr ng public hearing upang pakinggan ang opinyon ng mga apektadong sektor tungkol sa iminungkahing fare hike.