Ibinahagi ni Formula 1 superstar Lewis Hamilton ang malungkot na balita sa social media: pumanaw na ang kanyang pinakamamahal na aso na si Roscoe matapos ang ilang araw na laban kontra pneumonia.
Nauna nang isinugod si Roscoe sa ospital at inilagay sa coma, dahilan para hindi makadalo si Hamilton sa isang Pirelli tyre test noong nakaraang linggo. Linggo ng gabi, ayon kay Hamilton, namaalam si Roscoe habang nasa kanyang mga bisig.
“After four days on life support, fighting with every bit of strength he had, I had to make the hardest decision of my life and say goodbye to Roscoe,” ani Hamilton. Dagdag pa niya, napakasakit ng karanasang ito ngunit mananatili raw sa kanyang puso ang alaala ng aso na itinuring niyang tunay na kaibigan at bahagi ng pamilya.
Taong 2020 nang bawian din ng buhay ang isa pa niyang aso na si Coco. Ngayon, muling sumubok sa lakas ng loob ng F1 champion ang pagkawala ni Roscoe, na madalas niyang isama sa mga biyahe at maging sa paddock ng karera.
Nagpasalamat si Hamilton sa lahat ng nagpakita ng suporta at pagmamahal kay Roscoe sa loob ng maraming taon, sabay pahayag na ang pagkakaroon ng ganoong klase ng alagang hayop ay isa sa pinakamagandang bahagi ng buhay.