Pumanaw na si Hulk Hogan, ang kilalang mukha ng pro wrestling noong 80s, sa edad na 71. Ayon sa US media, natagpuan siyang walang malay sa kaniyang tahanan sa Florida, kung saan naiulat na nagkaroon siya ng cardiac arrest.
Si Hogan, o Terry Bollea sa totoong buhay, ay sumikat sa buong mundo dahil sa kanyang 6’7″ na taas, signature na bandana at bigoteng kulay blond. Bukod sa kanyang wrestling career, naging artista rin siya at isa sa mga dahilan kung bakit naging mainstream ang wrestling bilang family entertainment.
Simula 1979 sa WWF (ngayon ay WWE), si Hogan ay naging paborito ng masa at nakasama sa kasikatan nina Andre the Giant at Rowdy Roddy Piper. Tunay siyang alamat sa mundo ng wrestling—at ngayon ay isang alamat na namaalam.