Isang itim na SUV ang sumalpok sa railing at tumuloy sa walkway malapit sa entrance ng NAIA Terminal 1 nitong Linggo, Mayo 4. Tragikong nasawi ang isang lalaki at isang 4-anyos na batang babae sa insidente.
Ayon sa Philippine Red Cross, tatlo pa ang sugatan. Agad na rumesponde ang limang ambulansya at labingwalong volunteers. Nasa kustodiya na ng pulisya ang driver ng sasakyan.
Iniimbestigahan pa ang sanhi ng aksidente. Samantala, tiniyak ng mga awtoridad na secured na ang lugar at nagpapaalala ang NAIA na huwag munang magpakalat ng haka-haka habang patuloy ang imbestigasyon.