Bagamat hindi pa malinaw ni Kyline Alcantara ang tunay na estado ng relasyon nila ni Kobe Paras, inamin niyang iba ang nararamdaman niya para dito at mahirap daw ipaliwanag.
Sa isang panayam ng GMA, sinabi ni Alcantara na hindi niya mahanap ang tamang salita para ilarawan ang nararamdaman niya.
“Iba po kasi yung feeling, kaya hindi ko alam ang eksaktong salita para ma-describe. Lumalabas na lang siya sa actions at sa auras namin, siguro. Kaya hindi ko po talaga mahanap yung tamang salita,” sabi niya.
Naiulat din na magkasama sina Alcantara at Paras papuntang China para sa isang hindi pa pinangalanang proyekto, na ang mga detalye ay hindi pa ibinubunyag sa ngayon.
Simula pa noong Mayo, usap-usapan na ang posibilidad na may namamagitan sa kanila matapos silang makita nang magkasama sa iba’t ibang pagkakataon, kabilang ang isang date sa Taguig, pag-attend ng birthday party bilang magkapareha, at ang pagdalo ni Alcantara sa pagbubukas ng tattoo shop ni Paras. Nakita rin silang magkasama kasama ang ama ni Paras na si Benjie, kapatid na si Andre, at girlfriend nito na si Honey Escarez.
Sa kabila nito, kapwa nilang iginiit sa naganap na GMA Gala na magkaibigan lang sila.