Sa kanyang pinakabagong health update sa Instagram nitong Biyernes, ibinunyag ni Kris Aquino na muli siyang single habang patuloy na nakikipaglaban sa kanyang mga autoimmune diseases.
Bagong Sakit, Bagong Hamon
Bukod sa dati niyang mga diagnosis tulad ng Autoimmune Thyroiditis, Chronic Spontaneous Urticaria, EGPA, Systemic Sclerosis, Lupus/SLE, at Rheumatoid Arthritis, nadagdagan pa ito ng Fibromyalgia—isang kondisyon na nagdudulot ng matinding pananakit ng katawan, pagkapagod, at hirap sa pagtulog, ayon sa US National Institute of Arthritis and Musculoskeletal and Skin Diseases.
Single Na, Pero Hindi Magpapatalo
Sa dulo ng kanyang update, nagbigay rin ng kaunting detalye si Kris tungkol sa kanyang personal na buhay.
“I’ve always been honest with all of you, for some time now I have been single—no boyfriend, so clearly no fiancé. I never gave details while we were a couple, so it makes no sense to elaborate now,” aniya.
Matatandaang noong Hunyo ng nakaraang taon, inamin niyang may nakikita siyang doktor mula Makati, at bago nito, na-link siya sa politiko na si Mark Leviste.
Bumalik sa Pinas Matapos ang Dalawang Taon
Matapos ang halos dalawang taon sa Amerika para sa kanyang treatments, balik-Pilipinas na si Kris. Bagama’t hindi pa natatapos ang laban niya sa sakit, patuloy siyang lumalaban—at ngayon, mas nagpo-focus sa kanyang kalusugan at pamilya.