Ngayong ika-14 ng Pebrero, ipinagdiriwang ni Kris Aquino ang kanyang ika-53 na kaarawan, kaakibat ang Valentine’s Day celebration sa buong mundo.
Kahapon, ibinalita ni Boy Abunda, ang King of Talk, na may mahalagang mensahe si Kris para sa kanyang mga tagahanga. Ang naturang mensahe ay may kinalaman sa totoong kalagayan ng kanyang kalusugan, at ito’y aaminin ni Tito Boy mamayang hapon sa kanyang programa na “Fast Talk with Boy Abunda” sa GMA 7.
“A couple of days ago, nakapanayam ko ang aking kapatid, si Kris Aquino. Tomorrow, she is celebrating her birthday. And we’re going live again tomorrow dahil Kris requested me to read a very important statement tungkol sa kanyang kalagayan,” pahayag ni Boy Abunda.
“Kris is going through a very difficult time in her life. Sabi niya sa akin, ‘Para mas maintindihang mabuti, promise me, Boy, you will not cry.’ Sabi ko, ‘Kris, hihintayin ko ang iyong statement and I will try not to cry…’” dagdag pa niya.
Sa Facebook post naman ni Dindo Balares, ang amang itinuturing ni Kris na tatay-tatayan, kinumpirma niya ang mas matinding pinagdaraanan ngayon ni Kris hinggil sa kanyang kalusugan.
“Nasa roof deck garden ako last Monday night, tinitingnan kung may nabubuong seeds ang bagong batch ng hand-pollinated flowers ng satsumaimo, nang matanggap ko ang message na ito ni Krisy.”
“‘Kuya Dindo, Boy (Abunda) is now taping. Please don’t pre-empt what he’ll be sharing to be aired on my birthday. I know my news will break your heart but please remember yung inampon mong panganay was BORN BRAVE.”
“Please promise that you will just continue to pray & maintain your faith na kakayanin ko ‘to.”
“Ikinuwento ni Krisy ang pinakahuling lagay ng kanyang kalusugan, pero hindi ko po puwedeng sulatin.”
“‘Pag may request sa akin si Kris, o kahit na sino sa mga anak ko, tumatalima ako. Walang tanong-tanong. Isang way upang maipakita at maiparamdam kung gaano ko sila kamahal.”
“Hintayin po nating si Boy ang magsabi.”
“Naikuwento ko na yata dati pa, hindi sa showbiz kami nagkahulihan ng loob ni Krisy kundi sa faith.”