Magkakaroon ng live performance ang mga sikat na K-pop stars sa KOSTCON 2025 Live in Manila sa Agosto 6 sa SM Mall of Asia Arena. Makakasama sa concert sina Chen ng EXO, Lyn, Kim Bum Soo, K. Will, SoYou, Heize, at Lee Mujin na magbibigay ng emosyonal na pag-awit ng mga paboritong OST mula sa mga hit K-dramas tulad ng “Secret Garden,” “Goblin,” at “Queen of Tears.”
Kilalang-kilala si Chen sa pag-awit ng Everytime para sa “Descendants of the Sun,” habang si Kim Bum Soo naman ay nagpasikat ng I Miss You sa “Stairway to Heaven.” Ibinida ni K. Will ang Beautiful Moment mula sa “The Beauty Inside” at si SoYou ay nagpamalas ng I Miss You sa “Goblin.”
Makikita rin ang mga paborito nilang OSTs mula sa Heize at Lee Mujin, tulad ng Can You See My Heart mula sa “Hotel Del Luna” at Sweet mula sa “Business Proposal.”
Ayon kay Shin, ang concert ay layuning gawing parang isang buong K-drama na ipinapalabas sa entablado, kaya tinawag nila itong “world’s most dramatic concert.”