Handa na si Maki na pasabugin ang Araneta Coliseum sa Nobyembre 7, 2025, sa isang malaking concert na matagal nang pinaghandaan.
Kasabay ng konsiyerto, ilalabas na rin niya ang kanyang pinakabagong album na “Kolorcoaster” sa Setyembre 19, sa ilalim ng Tarsier Records. Nasa album ang 10 tracks kabilang ang mga pumatok na awitin na Dilaw, Namumula, Bughaw, at Kahel na Langit.
Matapos magtagumpay ang Dilaw sa local at global charts, mas naging matapang si Maki sa pagbuo ng kakaibang show. “Hindi lang ito concert—isang mundo ang papasukin ng manonood. Panahon na para sumugal,” pahayag ng singer-songwriter.
Bagama’t isang gabi pa lang nakatakda, posible itong madagdagan kung lalakas ang demand mula sa fans. Para kay Maki, ito ay higit pa sa pagtatanghal—isa itong pasasalamat at selebrasyon kasama ng lumalaking komunidad ng kanyang tagasuporta.
Kolorcoaster ride: Maki’s Biggest Show Set sa Araneta!
