Nagbigay ng matibay na pahayag si North Korean leader Kim Jong Un na ipagpapatuloy ng Pyongyang ang kanilang nuclear program “ng walang hanggan”, ayon sa ulat ng state media noong Miyerkules. Ang pahayag ni Kim ay kasunod ng bagong anunsyo ni US President Donald Trump na muling magtatangka ng diplomatikong paglapit kay Kim, ilang araw matapos magbalik sa White House si Trump.

Sa isang ulat mula sa Korean Central News Agency (KCNA), iniulat na binisita ni Kim ang isang nuclear-material production facility at nagsabi na “inevitably” magkakaroon ng pagtutok ang North Korea sa kanilang nuclear capability upang makipaglaban sa mga bansang may kaakibat na hostilidad. Ayon kay Kim, 2025 ang itinuturing niyang “crucial year” para mapalakas ang lakas nuklear ng bansa.

“It is our firm political and military stand and invariable noble task and duty to develop the state’s nuclear counteraction posture indefinitely,” dagdag ni Kim sa pahayag na inilabas ng KCNA.

Ang pahayag ni Kim at ang pagbisita sa nuclear factory ay nangyari ilang araw matapos maglunsad ang North Korea ng sea-to-surface strategic guided cruise missiles, ang kanilang unang missile test mula nang manumbalik si Trump sa puwesto noong Enero 20.

Bilang tugon, sinabi ng isang opisyal mula sa US National Security Council na ipagpapatuloy ni Trump ang layunin ng “complete denuclearisation” ng North Korea tulad ng ginawa niya noong unang termino. Ayon sa mga ulat, si Trump ay maghahanap ng pagkakataon upang makipag-usap kay Kim, na tinawag niyang “smart guy”.

Bagamat patuloy na nahaharap sa mga malupit na sanctions, idineklara ng North Korea noong 2022 na sila ay isang “irreversible” nuclear state. Ayon sa Pyongyang, ang mga armas nuklear ay mahalaga para sa kanilang self-defense laban sa mga banta mula sa Amerika.

Sinabi ni Yang Moo-jin, presidente ng University of North Korean Studies sa Seoul, na ang administrasyon ni Trump ay tila may dalawang-track approach sa isyung ito. Ayon sa kanya, ang US ay naghahanap ng pagkakataon para sa pag-uusap kay Kim habang binibigyang-diin ang layunin ng kumpletong denuclearisation.

Ngunit ayon kay Yang, maaaring nais pa rin ng North Korea na makipag-usap sa US dahil kailangan nila ang mga hakbang na magpapagaan ng mga sanctions upang mapanatili ang kanilang rehimen.

Noong unang termino ni Trump, tatlong beses niyang nakatagpo si Kim, simula sa makasaysayang summit sa Singapore noong Hunyo 2018. Pagkalipas ng ilang buwan, ikino-komento ni Trump sa isang rally na sila raw ni Kim ay “in love”, na naging viral. Ngunit hindi natuloy ang pangalawang summit sa Hanoi noong 2019 dahil sa mga isyu tungkol sa sanctions relief at kung ano ang handang ibigay ng Pyongyang kapalit nito.

Ayon kay Trump noong Hulyo ng nakaraang taon, “I think he (Kim) misses me,” at sinabi pa niyang “It is nice to get along with somebody that has a lot of nuclear weapons.”

Sa isang komentaryo na inilabas ng North Korea noong parehong buwan, sinabi nilang bagamat totoo na sinubukan ni Trump na ipakita ang espesyal na relasyon nila ni Kim, hindi ito nagdulot ng makabuluhang pagbabago sa unang termino ng US president.