Nagningning si Kim Chiu sa kanyang performance bilang Juliana Lualhati sa drama na “Linlang,” kaya’t nakuha niya ang Outstanding Asian Star award sa Seoul International Drama Awards 2024.
Ibinahagi ni Chiu sa kanyang Instagram page noong Linggo, Hulyo 28, ang kanyang tuwa sa natamong parangal, kasama ang larawan ng kanyang imbitasyon mula sa awards-giving body sa South Korea.
“I got the news today! I am lost for words… beyond thankful, grateful, and extremely happy!!! I can’t believe this is happening. Thank you to #SeoulDramaAwards2024, thank you, ABS-CBN @dreamscapeph, and most especially to my lovely supporters for all the unconditional love, support, time, effort, and much more,” ani Kim.
Ayon kay Kim, pinuno ng award ang kanyang puso ng saya habang nagpapasalamat siya sa pagkakataong ito para i-representa ang Pilipinas.
“I am very lucky to have you all behind and beside me. Thank you for making this possible! My heart is full! Maraming maraming salamat po! Korea, here I come,” dagdag niya. “Sa South ha? Hihi @seouldramaawards. Philippines represent.”
Tatanggapin ni Kim ang kanyang tropeo sa Seoul International Drama Awards 2024 sa Yeoeuido KBS Hall sa Setyembre.