Nagulantang ang publiko nang may babae na napansin na gumagapang palabas ng isang drainage canal sa Makati, sa kanto ng V.A. Rufino at Adelantado streets. Dahil dito, agad na isinara ng mga awtoridad ang kanal para sa kaligtasan.
Ayon sa pulisya, isang pulubi ang nagtatago at nagpapahinga sa bahagi ng kanal. Napansin ito dahil may mga gamit at damit na nakitang nakakalat sa loob ng imburnal.
Sinabi ni Makati police chief Col. Jean dela Torre na natukoy na ang babae at kasalukuyang tinutulungan ng Department of Social Welfare and Development (DSWD) kasama ang lokal na pamahalaan ng Makati upang mahanap at matulungan siya.
Batay sa mga ulat, madalas umano siyang humihingi ng pagkain at pera sa mga nagdaraan malapit sa Makati Medical Center. Patuloy ang pagtutulungan ng mga ahensya para masiguro ang kaligtasan at maayos na tulong para sa babae.