Nagkaroon ng oil spill sa isang shipyard sa bayan ng Aklan na kumalat sa kalapit na ilog, ayon sa Philippine Coast Guard (PCG) nitong Huwebes.
Ayon sa PCG, nangyari ang oil spill noong Mayo 26 sa Barangay Polo, bayan ng New Washington, habang natagpuan ang bakas ng langis sa kalapit na ilog sa Barangay Poblacion.
Sinabi ng mga awtoridad na ang tagas ay nagmula sa isang hindi-operational na barge na nakadaong sa shipyard.
Ayon sa PCG, patuloy ang kanilang mga hakbang upang mapigilan ang pagkalat ng oil spill, gamit ang absorbent pads at absorbent booms.
“Ang PCG team ay nagsagawa ng manual collection, habang ang mga empleyado ng shipyard ay gumamit ng heavy equipment upang hakutin ang mga debris na kontaminado ng langis,” ayon sa pahayag ng PCG.
Wala pang inilalabas na impormasyon ang PCG tungkol sa kabuuang dami ng langis na tumagas sa lugar.