Espesyal ang bagong teleserye ni Julia Montes na “Saving Grace,” hindi lang dahil ito ang kanyang comeback, kundi bilang tribute rin sa yumaong Dreamscape Entertainment head na si Deo Endrinal.
Ang heart-wrenching drama, na palabas na sa Prime Video simula ngayong Nov. 28, ay isang remake ng Nippon TV’s “Mother.” Dito, ginagampanan ni Julia si Anna, isang teacher na niligtas ang estudyanteng si Grace mula sa abuso—kahit pa umabot ito sa pagkidnap at national manhunt!
“Special ito dahil kay Sir Deo. Sadly, hindi niya na nakita ang resulta. Buong pamilya ng Saving Grace ang nag-pour ng puso nila dito,” sabi ni Julia.
Inamin din niyang relate siya sa karakter na si Anna dahil sa pagiging “walled up” niya sa totoong buhay. “Mahirap magpigil ng emosyon, lalo na kapag nakikita mo ang innocence ni Zia (Grace),” kwento niya.
Bukod sa kwento ng pag-ibig at pagpapatawad, umaasa si Julia na magiging inspirasyon ang serye para sa mga biktima ng pang-aabuso. “Sana magkaroon sila ng lakas para magsalita at maghilom,” aniya.
Kasama sa powerhouse cast sina Sam Milby, Jennica Garcia, Christian Bables, at Sharon Cuneta, na tinawag ni Julia na isang “generous” co-star. “Tingin pa lang niya, iiyak ka na,” dagdag ni Julia.