Isang holy crossover ang naganap sa Vatican noong Hunyo 25 — nagtagpo si Pope Leo XIV at si Jonathan Roumie, ang aktor na gumanap bilang Jesus sa sikat na biblical series na The Chosen.
Nagkita sila matapos ang Vatican screening ng episode na “The Same Coin” mula sa Season 5 ng The Chosen, at nagpalitan ng regalo si Roumie at ang Santo Papa. Siyempre, hindi rin pinalampas ang selfie moment — na mismong ipinost sa Instagram account ng Papa!
Para kay Roumie, na isang American Catholic, emosyonal ang sandaling iyon:
“Napaiyak ako nung nalaman kong Amerikano ang bagong Papa. ‘Di ko akalaing mangyayari ’yan sa lifetime ko,” ani niya.
Kasama rin sa pagbisita sa Vatican ang The Chosen creator na si Dallas Jenkins, at mga co-stars na sina Elizabeth Tabish (Mary Magdalene), George Xanthis (John), at Vanessa Benavente (Mother Mary).
Katatapos lang din ng production ng crucifixion scenes sa Matera, Italy — ang parehong lugar kung saan kinunan ni Mel Gibson ang The Passion of the Christ. Ang Season 6 finale ay ipapalabas bilang pelikula sa 2027, habang ang Season 7 ay magsisimula rin sa pamamagitan ng theater-exclusive na pelikula tungkol sa muling pagkabuhay ni Jesus.
Ang pagbisita ni Roumie ay nangyari mahigit isang linggo matapos ding makaharap ni Pope Leo ang Hollywood legend na si Al Pacino. Talagang star-studded ang Vatican lately!