Kuwento ni Kapuso actress Jillian Ward, super sweet at maalaga talaga ang onscreen partner niyang si Michael Sager. Sa isang media interview sa presscon ng kanyang bagong serye na “My Ilonggo Girl,” ibinahagi ni Jillian kung paano talaga siya inaalagaan ni Michael sa set.
“May mga moments po na mahiyain ako, lalo na kasi rom-com ito, kaya may mga eksena na super kilig,” sabi ni Jillian. “Si Michael po kasi super attentive, alam niya kung ano ang mga paborito kong pagkain at mga bagay, kaya nagiging komportable po ako sa kanya.”
Ayon kay Jillian, hindi lang sa mga eksena, kundi sa personal ay nag-reach out si Michael para makilala siya ng mabuti. “Nagme-message siya, nangungumusta. Malaking tulong po ‘yun para mas maging comfortable ako,” dagdag pa niya.
Samantala, ipinagmamalaki ng GMA Public Affairs ang kanilang bagong serye, “My Ilonggo Girl,” na magsisimula sa Lunes, Enero 16, 9:35 PM sa GMA Prime. Tampok dito si Jillian sa dalawang magkaibang papel—si Tata, isang simpleng Ilongga, at si Venice, isang sikat na aktres. Ang kwento ay magsisimula nang magtagpo ang mga buhay nila, na magdudulot ng mga pagbabago sa buhay ni Tata.
Ito na ang pagbabalik ni Jillian sa primetime at ang kanyang debut project sa GMA Public Affairs. Ayon sa kanya, “I feel so blessed and happy kasi 15 years na ako sa industry, pero grabe pa rin ‘yung tiwala sa akin ng GMA.”
Kasama sa cast ang mga kilalang aktor tulad nina Teresa Loyzaga, Arra San Agustin, Lianne Valentin, at Arlene Muhlach, at marami pang iba. Kaya’t siguradong puno ng kilig ang inyong primetime!