Good news, Creamline fans! Babalik na sa fold si veteran setter at Alas Pilipinas captain Jia de Guzman — at siguradong kilabot na naman ito sa mga kalaban.
Kinumpirma ni Jia ang kanyang pagbabalik sa Creamline sa PSA Forum, kasama sina coach Jorge de Brito, teammate Dell Palomata, at PNVF president Ramon Suzara. Pero paglilinaw ng eight-time PVL Best Setter, ang national team pa rin ang top priority niya ngayon.
“Masaya ako na naiintindihan ng Creamline ang responsibilidad ko para sa bansa,” ani Jia, matapos ang makasaysayang silver finish ng Alas Pilipinas sa AVC Challenge Cup sa Vietnam.
Huling naglaro si Jia sa Creamline noong 2022 Invitational Conference bago siya lumipad sa Japan para sa Denso Airybees. Ngayon, balik aksyon na siya para sa Cool Smashers — habang patuloy pa ring lalaban para sa bansa.
Sunod na stop ng national team? Babalik sila sa Vietnam para sa VTV Cup ngayong buwan, kasunod ang Southeast Asian V.League sa Hulyo bilang paghahanda sa SEA Games sa Disyembre sa Thailand.
Sabi nga ni PNVF chief Suzara, “The main goal is SEA Games gold — at tuloy-tuloy ang aral at grind.”
Double duty si Jia — at double trouble ito para sa mga kalaban!