Jericho Rosales at Janine Gutierrez, magkasamang nagdiwang ng Pasko at Bagong Taon kasama ang kani-kanilang pamilya! Sa press interviews para sa nalalapit na pagtatapos ng kanilang seryeng Lavender Fields, ibinahagi nila ang kanilang nakakagaan at di-inaasahang relasyon.
Ayon kay Janine, simpleng dinner lang ang Pasko sa bahay ng kanyang ina, si Lotlot de Leon, habang sa kanilang bahay naman sila nag-Bagong Taon. “Masaya si Mama kasi nagustuhan ni Echo yung mga niluto niya!” pabirong kwento ni Janine.
Si Jericho naman, tumawid mula sa dysfunctional na family gatherings patungo sa “cozy” moments kasama ang pamilya ni Janine. “Sweet, loving, at close sila. Imperfect tulad ng lahat, pero may pagmamahalan at pagtanggap. Ang saya kasi mix ng artists at non-showbiz na tao,” sabi ni Echo.
Para kay Jericho, hindi niya inasahan na magkakaroon ng relasyon sila ni Janine. “Hindi mo naman pinipilit ‘yan. Ang ganda lang kasi ang gaan. Sobrang light and easy. Para siyang regalo na hindi ko inaasahan pero sobrang na-appreciate ko,” ani niya.
Hindi rin napigilan ni Jericho na purihin si Janine bilang aktres. “Super dedicated at committed. Galing siya sa pamilya ng mga legendary actors kaya dala niya ‘yung disiplina. Kahit late siya nagsimula, ang husay! Ang professionalism niya nakakahawa.”
Bukod sa craft, marami silang pagkakapareho. “Para kaming team. Light lang lagi at sobrang saya, on-screen at off-screen,” dagdag pa ni Jericho.
Si Janine naman, pinuri ang maalaga at maaliwalas na personality ni Jericho. “Super maalaga siya, hindi lang sa akin kundi pati sa crew at lahat ng tao sa paligid. Ang supportive din niya. Nakakagaan talaga siya kasama.”
Pagdating sa tanong kung nakikita nila ang isa’t isa bilang “the one,” pabiro ang sagot ni Janine: “Grabe naman ‘yung tanong! Bago pa lang kami, pero…” Samantalang si Jericho, nanatili sa pagiging kalmado: “You don’t enter a relationship just for fun. Basta, kung magunaw man ang mundo bukas, masaya ako. Simple lang.”
Sa dulo ng interview, tinawag ni Jericho si Janine na “baba”—isang simpleng moment na nagpapatunay kung gaano sila ka-sweet sa isa’t isa.