Nag-trending sa social media ang video ni Jennie ng Blackpink habang nagva-vape, kung saan huli siya sa akto sa paggamit nito sa loob ng isang establishment kasama ang mga staff.
Sa South Korea, ipinagbabawal ang paninigarilyo at vaping sa loob ng mga ganitong lugar, kaya’t maraming reaksyon ang kanyang ginawa mula sa mga netizens. Kailangan tuloy maglabas ng pahayag si Jennie at ang kanyang talent management.
Sa pahayag ng Odd Atelier sa pamamagitan ng dating Twitter, sinabi ng label ni Jennie, “Humihingi kami ng taos-pusong paumanhin sa lahat ng na-discomfort sa aksyon ni Jennie sa nilabas na content noong Hulyo 2.”
Dagdag pa ng talent agency, “Kinikilala ni Jennie at lubos na pinagsisisihan ang kanyang pagkakamali sa pagva-vape sa loob ng premises at sa abala na dulot nito sa staff.”
Nagpaumanhin din si Jennie nang personal sa lahat ng staff na naapektuhan ng insidente.
Pinalayas na rin ng talent management ang eksena mula sa kanyang vlog na na-upload sa YouTube channel noong Hulyo 2, kung saan makikitang nagva-vape siya habang nagme-make-up sa isang kuwarto, kasama ang pagbuga niya ng usok sa isang staff na hinihinalang kinunan sa isang hotel sa Capri, Italy.