Noong Sabado, inanunsyo ng Israel ang pagpapadala ng humanitarian aid sa Gaza sa pamamagitan ng air drops at ang pagbubukas ng mga humanitarian corridors upang mapadali ang pagpasok ng tulong sa rehiyon. Ang hakbang na ito ay kasunod ng patuloy na internasyonal na pagbatikos sa tumitinding krisis sa gutom sa Palestinian territory.
Matapos ang pagkabigo ng ceasefire talks noong Marso, nagpatupad ang Israel ng kabuuang blockade sa Gaza. Subalit noong Mayo, pinayagan nilang muling makapasok ang maliit na dami ng ayuda. Bago ang air drops, nagbigay ng pahayag ang United Arab Emirates at United Kingdom na magsisimula silang muli ng kanilang mga air drops sa Gaza upang makatulong.
Ang desisyon ng Israel na magpadala ng pitong aid packages ay naganap habang iniulat ng Palestinian civil defense agency ang pagkamatay ng higit 50 Palestinians mula sa mga Israeli airstrikes at pamamaril, kabilang ang ilang tao na naghihintay sa mga sentro ng ayuda.
Samantala, sinabi ng Israeli military na magsasagawa sila ng humanitarian pause upang mapabilis ang pagpasok ng tulong. Tumanggap ng suporta mula kay British Prime Minister Keir Starmer at UAE, na nagpahayag ng kanilang intensyon na ipagpatuloy ang air drops. Ayon sa mga NGO, patuloy na tumataas ang bilang ng mga batang nagkakasakit dahil sa malnutrisyon at kailangan ng karagdagang ayuda mula sa mga convoys.