Inaprubahan ng Quezon City Council ang P43.3 bilyong badyet para sa taong 2026, na mas mataas ng 6.65 porsiyento kumpara noong 2025 at idinisenyo para mas suportahan ang mga pangunahing serbisyo tulad ng social welfare, kalusugan, at edukasyon, kasama ang mga programa tulad ng QCity Bus at burial assistance.
Mahigit P24 bilyon dito ang ilalaan sa mga serbisyong panlipunan at pangkomunidad, habang dagdag pondo rin ang ibinigay sa edukasyon, imprastruktura at mga livelihood program na inaasahang magpapabuti sa kalidad ng buhay ng mga taga-lungsod.
Sinabi ni Mayor Joy Belmonte na ang badyet ay nakatuon sa pagpapalakas ng serbisyo publiko at pagtiyak na ang bawat residente ay may access sa oportunidad at suporta para sa mas maunlad na pamumuhay.