Dahil sa kanyang pangunguna sa pagsusulong ng mga environmental na hakbang at pagtuon sa pagbawas ng polusyon sa plastik, kinilala si Mayor Belmonte ng United Nations Environment Program (UNEP) sa 2023 Champions of the Earth award noong nakaraang Oktubre. Ipinarangal siya sa kategoryang Policy Leadership para sa “pagtataguyod ng environmental at social action sa pamamagitan ng iba’t ibang mga patakaran upang labanan ang krisis, wakasan ang polusyon sa plastik, at gawing luntian ang kalunsuran,” ayon sa pahayag ng UNEP.
Si Mayor Joy Belmonte ay isa sa mga napiling Newsmakers of the Year ng Manila Bulletin.