Walang dagdag sa bilang ng mga motorcycle taxis sa Metro Manila sa nakaraang tatlong taon, ayon sa LTFRB. Hanggang ngayon, nananatili sa 45,000 ang bilang ng mga ito sa NCR.
Ayon kay LTFRB Chairman Teofilo Guadiz III, tumaas lang ang bilang ng mga motorcycle taxis sa Regions 3 at 4, na may dagdag na 4,000 units bawat isa.
Nag-ugat daw ang pagbaba ng bilang ng mga pasahero sa pagbabago ng work setup, tulad ng work-from-home at flexible school schedules, pati na rin ang mas madalas na paggamit ng mass transport gaya ng tren at bus.
Samantala, umaalma ang mga transport groups dahil sa patuloy na pagdami ng mga motorcycle taxis na kumukonsumo umano ng kalahating bahagi ng kanilang kita araw-araw.