Jamal Murray umiskor ng 28 puntos, kabilang ang game-winner sa natitirang 8.6 segundo, para pangunahan ang Denver Nuggets sa dikit na 130-129 panalo kontra Sacramento Kings.
Si Nikola Jokic naman ay nagpakitang-gilas muli, may 20 puntos, 14 rebounds, at 13 assists para sa kanyang ika-140 career triple-double—pangatlo sa kasaysayan kasunod nina Russell Westbrook (200) at Oscar Robertson (181).
Hindi rin nagpahuli ang Kings. Si De’Aaron Fox ang nanguna sa laro na may 29 puntos, habang si Domantas Sabonis ay nag-ambag ng 28 puntos, 14 rebounds, at 6 assists.
Samantala, si Tyrese Maxey pumukol ng 40 puntos para buhatin ang Philadelphia kontra Charlotte, 121-108, habang ang Detroit ay nagtala ng overtime win laban sa Miami, 125-124, sa likod ng triple-double ni Cade Cunningham.