Inirekomenda ng House quad committee na kasuhan ng mga “crimes against humanity” sina dating Pangulong Rodrigo Duterte, Senators Bong Go at Bato dela Rosa, at iba pang mga opisyal ng pulisya dahil sa mga extrajudicial killings sa ilalim ng brutal na drug war.
Ayon kay Surigao del Norte Rep. Robert Ace Barbers, ito ay matapos ang 13 hearings na nagsiwalat ng matinding pang-aabuso sa panahon ng administrasyon ni Duterte. Ipinakita ng kanilang 43-page report na si Duterte ang “sentro” ng isang “criminal enterprise” na ginamit ang drug war upang itago ang koneksyon sa drug trade.
Kung matutuloy ang mga kaso, ito ang magiging pinakamalaking hakbang ng gobyerno para magbigay ng katarungan sa mga biktima ng mga pagpatay.