Matapos ang siyam na sunod na panalo, natigil ang winning streak ng Boston Celtics nang tambakan sila ng Miami Heat, 124-103. Pinangunahan ni Tyler Herro ang Miami na may 25 puntos, habang pitong manlalaro ang umiskor ng double figures para sa kanilang pang-anim na sunod na panalo.
Mula sa 22-point lead sa third quarter, nagawang bumawi ng Celtics at lumapit sa tatlong puntos, ngunit muling hinigpitan ng Heat ang depensa at hindi na nila pinakawalan ang panalo. Dahil dito, mas lumayo ang agwat ng Celtics sa liderato ng Eastern Conference na hawak ng Cleveland Cavaliers.
Samantala, nilampaso ng Cavs ang New York Knicks, 124-105, matapos bumangon mula sa 15-point deficit. Umiskor si Donovan Mitchell ng 27 puntos, habang si Jarrett Allen ay nagpasabog ng 21 points sa halos perpektong 10-of-11 shooting.
Sa Western Conference, patuloy ang pananalasa ng Oklahoma City Thunder matapos nilang talunin ang Detroit Pistons, 119-103, para sa kanilang ika-11 sunod na panalo. Pasok na sila bilang top seed sa playoffs, habang ang Houston Rockets ay nasungkit din ang playoff spot matapos tambakan ang Utah Jazz, 143-105.
Samantala, sa Dallas, bumangon si Anthony Davis matapos tamaan ng siko sa mata at naipasok ang game-winning shot para sa 120-118 panalo ng Mavericks kontra Atlanta Hawks.
Habang papalapit ang playoffs, mas umiinit ang laban sa NBA.