Walang patinag ang Cignal HD Spikers matapos nilang muling walisin ang kalaban sa tatlong set kontra Capital1 Solar Spikers, 25-21, 25-22, 25-16, sa PVL On Tour sa bagong-renovate na Chavit Coliseum sa Vigan, Ilocos Sur.
Matapos makipagbakbakan sa unang dalawang sets, sumabog ang opensa ng Cignal sa Set 3 — rumatsada agad sa 6-1 lead at di na pinakawalan ang momentum. Ito na ang pangalawang sunod na straight-sets win nila, kasunod ng panalo kontra Akari Chargers (25-23, 25-14, 25-23) sa opening day.
Matapos ang maagang pag-exit nila sa nakaraang All-Filipino Conference, mukhang determinado ang HD Spikers na bumawi — at ngayon pa lang, pinapakita na nila ang bagsik nila sa court!