Trump Panalo sa Pagka-Presidente: Harris Matapang na Nag-Concede, Nangakong Magtutulungan sa Transition!
Matapos ang matinding laban, binigyang-diin ni Kamala Harris ang pangangailangang “huwag mawalan ng pag-asa” sa kanyang emosyonal na concession speech. Sa kabila ng pagkatalo, nangako siyang susuporta sa mapayapang paglipat ng kapangyarihan, na taliwas sa pagtanggi ni Trump na umamin sa pagkatalo noong 2020.
Sa isang maikling pero makapangyarihang talumpati sa Howard University, iginiit ni Harris na, “Habang inaamin ko ang pagkatalo sa eleksyon, hindi ko inaabandona ang laban na nagsimula ng kampanyang ito.”
Samantala, nakahanda si Trump na muling dalhin ang “America First” na adbokasiya sa White House, at ang kanyang tagumpay ay nagdulot ng pagtaas sa Wall Street at dolyar. Mabilis namang nagpaabot ng pagbati ang mga lider sa buong mundo, kabilang si Pangulong Biden, na tinawagan si Trump upang magpaabot ng pagbati at anyayahan siya sa White House.
Habang may pangamba ang Ukraine at iba pang bansa sa posibleng patakaran ni Trump sa pandaigdigang tulong, tiyak namang natutuwa si Israeli Prime Minister Netanyahu sa pagbabalik ng kanyang kaalyado.