Nag-apologize si Gabriel Go, ang hepe ng MMDA Special Operations Group Strike Force, matapos mag-viral ang video ng kanyang public confrontation sa Quezon City police officer na si Capt. Mann Erik Felipe. Gayunpaman, hindi nakaligtas si Go mula sa mga legal na aksyon, dahil nag-file ng kaso si Felipe laban sa kanya para sa cyberlibel sa ilalim ng Republic Act 10175.
Sa isang press briefing, humingi ng paumanhin si Go sa PNP at sa publiko, at nilinaw na hindi niya intensyon na disrespectuhin ang mga law enforcement officers. “To Captain Felipe, sir, I sincerely apologize for what happened. It was never my intention to cause any misunderstanding or misconduct,” aniya.
Samantala, hindi lang si Go ang isinama ni Felipe sa kaso, kundi pati si Dada Koo, isang vlogger na nag-post ng edited na video sa YouTube. Ayon kay Felipe, ang video na na-edit ay nagdulot ng pagsira sa kanyang pangalan. Subalit, sinabi ni Felipe na pinatawad na niya si Go, ngunit nais pa rin niyang managot si Go dahil sa paglabag sa kanyang privacy at pagdudungis sa kanyang reputasyon.
Ipinagdiinan ni Felipe na hindi siya naging mayabang sa kanyang pakikitungo sa MMDA enforcers, at hindi siya nag-expect na magiging viral ang video ng kanilang encounter, na hindi siya ininform ng vlogger o ni Go na ito ay ipo-post sa social media.