Matapos ang matinding laban sa quarterfinals, nakasiguro ng puwesto sa semifinals ang Rain or Shine at Barangay Ginebra matapos gapiin ang kanilang matitibay na kalaban.
ROS: Reverse Sweep Mode!
Hindi nagpatalo ang Rain or Shine sa do-or-die Game 3 laban sa Converge, tinapos ang serye sa 112-103 para sa kanilang ikatlong sunod na Final Four appearance sa Ynares Center.
Bumida si Deon Thompson na may 34 puntos, 14 rebounds, at 7 assists, kasama si Adrian Nocum na umiskor ng 21, upang akayin ang Elasto Painters mula sa 0-1 pagkakabaon hanggang sa panalo. Sa semis, haharapin nila ang powerhouse team na TNT.
Ginebra: Nagising sa Game 3!
Matapos mabigong tapusin ang serye sa Game 2, sinelyuhan ng Barangay Ginebra ang kanilang ika-anim na sunod na semis stint matapos ang 94-87 panalo kontra Meralco. Susunod nilang haharapin ang top-seeded NorthPort.
Matapos ang kontrobersiya ng death threats laban kay RJ Abarrientos, nagpakitang-gilas ito at bumuo ng crucial 15-6 run kasama si Justin Brownlee para tuluyang pabagsakin ang Bolts. Si Brownlee, na tila may playoff mode activated, ay nagtala ng 25 puntos, 10 rebounds, at 7 assists, habang tumulong sina Stephen Holt (17 puntos) at Abarrientos (16 puntos).
Sa Feb. 26 magsisimula ang best-of-seven semifinals, habang may break muna ang liga para sa kampanya ng Gilas Pilipinas sa Qatar at sa huling window ng FIBA Asia Cup Qualifiers.
Ayon kay ROS coach Yeng Guiao, “Tatlong sunod na semis appearance para sa isang independent team? Ibig sabihin lang niyan, may consistency kami.”
Samantala, si Beau Belga ang naging game-changer para sa ROS, bumitaw ng back-to-back tres na nagbigay ng 91-80 kalamangan sa fourth quarter.
“‘Yun ang spark na kailangan namin,” ayon kay Guiao.