Magsasanib-puwersa sina Gerald Anderson at Richard Gutierrez sa isang action-packed na teleserye ng ABS-CBN na inaasahang mapapanood sa 2026.
Kinumpirma ito ng ABS-CBN entertainment reporter na si MJ Felipe matapos ibahagi sa social media ang larawan ng dalawang aktor. Ayon sa kanya, opisyal na ang proyekto at pamumunuan ito ng direktor na si FM Reyes. Nakatakdang magsimula ang taping pagkatapos ng holiday break.
Bukod sa paparating na serye, kasalukuyan ring napapanood si Gerald sa Netflix action series na “Buybust: The Undesirables,” kung saan kasama niya si Anne Curtis. Ang unang sulyap sa proyekto ay inilabas kamakailan sa JAFF Creative Asia 2025 sa Indonesia, habang ang teaser ay inilunsad noong Disyembre 2 sa iba’t ibang social media platforms.
Inaasahan ng fans ang matinding aksyon at kakaibang tambalan nina Gerald at Richard sa kanilang unang pagsasama sa isang serye.