Kumpirmado ng Comelec na makakabalik sa House of Representatives si Sarah Elago, dating kinatawan ng Kabataan party-list. Siya ang unang nominee ng Gabriela Women’s Party (GWP) at uupo bilang ika-64 na party-list representative.
Ayon kay Comelec Chairman George Garcia, matagal nang hinihiling ng Gabriela ang kanilang proklamasyon kaya’t ipinahayag na nila agad ang desisyon para mawala ang duda. Target ng Comelec na pormal na iproklama si Elago ngayong Miyerkules.
Bilang party-list para sa kababaihan, kabataan, LGBTQIA+ at iba pang marginalized sectors, kilala ang Gabriela sa pagsusulong ng mga batas gaya ng Expanded Maternity Leave Law at Occupational Safety and Health Law.
Tinanggap ng Gabriela ang desisyon bilang tagumpay ng pakikibaka ng kababaihan para marinig ang kanilang boses sa lehislatura.
Sa hiwalay na anunsyo, inihayag ng Comelec na target nitong makapagrehistro ng 3 milyong overseas Filipinos para sa 2028 elections, na magsisimula ang registration mula Dec. 1, 2025 hanggang Sept. 30, 2027.