Nagdiriwang ng kanilang ika-30 taon bilang mag-asawa sina Maricel at Anthony, at talaga namang isa sila sa mga kilalang showbiz couple na maituturing na “goal” sa relasyon.
Sa kanilang guesting sa “Magandang Buhay” nitong nagdaang Lunes, ibinahagi nina Maricel at Anthony ang ilang payo para mapatibay pa ang kanilang relasyon.
“Ang motto namin ni Anthony, let’s not fight each other, let’s fight together. Magkakampi kayo, hindi kayo magkaaway,” ang pahayag ni Maricel.
“Number 1, kapag nag-aaway kayo, itanong mo sa sarili mo kung tama bang pag-awayan ‘yon. Kasi choose your battles. Kung ‘di kailangan, huwag na, at kung tama ka, dapat ilaban mo. Pangalawa, humanap ka ng kasangga, Panginoon o mentor.
“Isumbong mo sa isang tao na pwede mong takbuhan na pareho ninyong nirerespeto. At pangatlo, patalo ka paminsan-minsan. So TIP, T – tama ba?, I – isumbong mo sa nakakatulong, at pangatlo, P – patalo ka paminsan-minsan,” dagdag naman ni Anthony.
Pagkatapos nito, nagbigay rin ng mensahe ang mag-asawa sa isa’t isa para sa kanilang ika-30 na anibersaryo ng kasal.
“Siguro kung nasa 42 kilometers run tayo, sabi namin ni Maricel eh, nasa 30 na kami. Pero sana ‘yung huling 10 kilometers, 12 kilometers, ay maging ang pinakamaganda. Alam mo, totoo ito, sa aking epitaph gusto ko sana nakasulat, ‘He loved Maricel ’till the end.’ Totoo ‘yon. Kasi starting strong is great, but finishing strong, that’s epic, ‘yun ang gusto natin,” mariing sabi ni Anthony.
Ang mensahe naman ni Maricel para sa kanyang mister, “Honey, thank you for loving me the way that you do. And I am so excited for many more years to come with you. And today I celebrate you because you are really the love of my life,” aniya pa.
Ikinasal sina Maricel at Anthony noong Disyembre 19, 1993, at binasbasan ng limang anak, kabilang na si Donny Pangilinan.