Jessica Sanchez ng Filipino-American descent ang bagong kampeon ng “America’s Got Talent” Season 20, matapos isara ang isang makasaysayang paglalakbay mula sa kanyang unang pagsali sa inaugural season ng show noong 10 taong gulang pa lamang siya, kung saan umabot siya sa semifinals.
Anim na taon pagkatapos, nagtapos siya bilang first runner-up sa “American Idol” Season 11. Sa kanyang panalo ngayon, si Jessica ay nakatanggap ng $1 milyon (P58 milyon), headliner show sa Las Vegas, at biyahe sa Universal Studios Florida.
Pinangunahan niya ang kumpetisyon laban kina Chris Tuner, Jourdan Blue, Leo High School Choir, at techno-dance group Light Wire. Sa finals, nag-perform siya ng cover ng “Die With A Smile” habang siya ay nine months pregnant sa kanyang unang anak, na tatawaging Eliana.
Bago ang anunsyo ng panalo, inawit niya ang kanyang semifinals song na “Golden Hour” ni JVKE habang nag-perform ang fellow finalist na si Sirca Marea sa trapeze sa itaas niya.
Si Jessica ay nakatanggap rin ng golden buzzer mula kay Sofia Vergara sa audition dahil sa kanyang malakas at emosyonal na rendition ng “Beautiful Things” ni Benson Boone, na nagpadala sa kanya sa live quarterfinals kung saan muli siyang nagpakitang-gilas sa cover ng “Ordinary” ni Alex Warren.
Ang tagumpay ni Jessica ay hindi lamang pagkilala sa kanyang talento kundi pati sa kanyang determinasyon at dedikasyon sa musika sa loob ng higit isang dekada.