Sampung pasahero ang nasugatan matapos mag-malfunction ang isang escalator sa MRT-3 Taft Avenue Station noong Marso 8.
Ayon sa Department of Transportation (DOTr), sasagutin nila ang gastusing medikal ng mga biktima, at may kompensasyon ding ibibigay ang insurance company para sa nawalang kita ng mga naapektuhan.
Matapos ang pagkukumpuni ng MRT-3 personnel at Japanese maintenance provider na Sumitomo Corp., muli nang pinagana ang escalator noong Martes. Humingi rin ng paumanhin si Transportation Secretary Vince Dizon sa mga nasaktan.
Hudyat ng Privatization?
Dahil sa insidente, muling iginiit ng DOTr ang pangangailangang ipribatize ang MRT-3 upang mapabuti ang seguridad at serbisyo nito. Plano ng ahensya na humanap ng bagong operator matapos magtapos ang kasalukuyang kontrata nito ngayong taon.
Isa ang Metro Pacific Investments Corp. sa mga kumpanyang nagpahayag ng interes sa pag-takeover ng operasyon ng MRT-3.