Lahat ng daan patungo sa mala-paraisong isla ng El Nido, Palawan, dahil dito gaganapin ang pagbubukas ng 16th Red Bull Cliff Diving World Series sa Abril 11-13!
Matapos unang maging host noong 2019, muling magpapakitang-gilas ang 24 sa pinakamagagaling na cliff divers sa mundo sa isang kumpetisyong puno ng matinding aerial acrobatics at breathtaking na paglundag mula sa matatarik na bangin.
Sa bilis na 85kph, ang mga lalaking divers ay tatalon mula sa taas na 27 metro (88.5 talampakan), habang ang mga kababaihan ay mula sa 21 metro (68.8 talampakan)—handa na ba ang El Nido sa matinding hampas ng alon?
Kasama sa mga kalahok ang Olympic bronze medalist na si Oleksiy Prygorov ng Ukraine at Filipina-Australian Xantheia Pennisi, na nagbigay ng preview ng kanilang world-class dives sa harap ng mga Pinoy divers.
Matapos ang El Nido, lilipat ang serye sa Italy, Bosnia & Herzegovina, at USA—pero bago ‘yan, siguradong isang epic na simula ang magaganap sa isa sa pinakamagandang isla sa mundo!