Kevin Durant, star forward ng Phoenix Suns, ay magpapahinga ng isang linggo matapos magka-sprain sa kaliwang ankle, ayon sa mga ulat nitong Huwebes (Manila time).
Nangyari ang injury sa second quarter ng panalo nila kontra Spurs (104-93) noong Martes, nang matapakan niya ang paa ni Julian Champagnie.
Dahil dito, mamimiss ni Durant ang mga laban kontra New Orleans, Miami, at Orlando bago ang reevaluation sa susunod na linggo.
Kahit 36 na, umaariba pa rin si Durant na may 25.8 puntos, 6.7 rebounds, at 3.1 assists average ngayong season. Pero ramdam ang epekto—11-2 ang Suns kapag naglalaro siya, pero 1-6 kapag wala siya!